Türkiyənin baş naziri: “Raqqanı İŞİD-dən təmizləməkdənsə, onları dəstəkləyirlər”

Türkiyənin baş naziri: “Raqqanı İŞİD-dən təmizləməkdənsə, onları dəstəkləyirlər”

“Raqqanı terrorçu İŞİD-dən təmizləmək yerinə, onlara silahları ilə birlikdə çıxmalarına dəstək veriblər”.

Bunu ölkənin baş naziri Binəli Yıldırım Ədalət və İnkişaf Partiyasının (AKP) parlamentdəki fraksiyasının üzvləri qarşısında ABŞ-a səfəri ilə bağlı çıxışı zamanı bildirib.

“Silahla dolu 50 TIR-dan 10-u hər cür ağır silahla yüklü vəziyyətdə müşayiət altında Raqqanın şimalında terrorçu İŞİD qruplaşmasının üzvlərinə çatdırılıb. Biz ABŞ-a dedik ki, bir terror qruplaşması ilə başqa bir terror qruplaşmasını məhv etmək dövlətə yaraşmaz. Oradan qaçanlar – İŞİD silahlıları Türkiyə başda olmaqla birlikdə Avropa, Amerika və dünyanın hər yerində kim bilir yeni neçə-neçə insanın qətlinə səbəb oacaqlar. Terror qruplaşmalarına qarşı mübarizədə dövlətlərin əməkdaşlığı əhəmiyyətlidir”, – o vurğulayıb.

Qeyd edək ki, ABŞ Suriyanın Raqqa şəhərinin terrorçu İŞİD qruplaşmasından terrorçu PKK-nın Suriyadakı “YPG” və “PYD” adlı qolları ilə birlikdə təmizlədiyini bildirib. Rəsmi Ankara isə ABŞ-a PKK qruplaşmasının qolları ilə deyil, Türkiyə hərbçiləri ilə birlikdə təmizləməyi təklif edirdi. Binəli Yıldırım çıxışında “YPG” və “PYD”nin İŞİD qruplaşmasını silahlandırdığını vurğulayıb.

 

report

Загрузка...

Manşet xəbərləri

Son xəbərlər

Bizim seçim

Videoxəbər

Fotoxəbər