Məhkumluq həyatı yaşamış Astara sakininin evindən 2 kq narkotik tapıldı

Məhkumluq həyatı yaşamış Astara sakininin evindən 2 kq narkotik tapıldı

Astara polisi evində 2 kq-a yaxın narkotik vasitə saxlayan şəxsi saxlayıb.

Daxili İşlər Nazirliyinin mətbuat xidmətinin Lənkəran Regional qrupundan verilən məlumata görə, Astara Rayon Polis Şöbəsi əməkdaşlarının keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən şəhər sakini Zaur Həsənov saxlanılıb.

Polis Şöbəsində baxış zamanı onun üzərindən narkotik vasitə olan 35 qram çəkidə tiryək aşkar edilərək götürülüb. Əməliyyat tədbirlərinin davamı olaraq onun yaşadığı evə də baxış keçirilib. Evə baxış zamanı selofan bağlamada gizlədilmiş 1 kq 900 qram çəkidə narkotik vasitə aşkar olunaraq götürülüb. Saxlanılan şəxsin üzərindən və evdən götürülən, ekepertizaya təqdim olunan narkotik vasitənin ümumi çəkisi 1 kiloqram 935 qram tiryək olması barədə rəy verilib. Narkotik vasitələrin qanunsuz dövriyyəsində şübhəli bilinən, əvvəllər iki dəfə məhkumluq həyatı yaşayan Z.Həsənov narkotik vasitəni tanımadığı İran vətəndaşı olan Rza adlı şəxsdən aldığını bildirib.

Faktla bağlı cinayət işi başlanılıb, istintaq aparılır.

Загрузка...

Manşet xəbərləri

Son xəbərlər

Bizim seçim

Videoxəbər

Fotoxəbər