“Şahdağ” Turizm Agentliyindən alınıb? – Rəsmi açıqlama (Yenilənib)

“Şahdağ” Turizm Agentliyindən alınıb? – Rəsmi açıqlama (Yenilənib)

Nazirlər Kabinetinin 10 sentyabrlı qərarına əsasən guya “Şahdağ Turizm Mərkəzi” Qapalı Səhmdar Cəmiyyəti Azərbaycan Dövlət Turizm Agentliyindən (ADTA) alınmasına dair xəbərlər həqiqətə uyğun deyil.

Qeyd edək ki, qərara görə, Dövlət Turizm Agentliyinin tabeliyində olan “Şahdağ” Qış-Yay Turizm Kompleksinin Müdiriyyəti Mədəniyyət Nazirliyinin tabeliyinə verilib.

Həmçinin, Nazirlər Kabinetinin 2018-ci il 7 iyun tarixli 255 nömrəli qərarı ilə təsdiq edilmiş “Azərbaycan Respublikası Dövlət Turizm Agentliyinin strukturuna daxil olmayan tabeliyindəki qurumların Siyahısı”nın 4.2-ci bəndi ləğv edilib.

Dövlət Turizm Agentliyinin nümayəndəsi Kənan Quluzadə milli.az-a açıqlamasında Azərbaycan Respublikası Nazirlər Kabinetinin 10 sentyabr 2018-ci il tarixli 381 nömrəli qərarını şərh edərkən bildirib ki, “Şahdağ Turizm Mərkəzi” Qapalı Səhmdar Cəmiyyəti Dövlət Turizm Agentliyinin tabeliyində qalır:

 “Azərbaycan Respublikası Nazirlər Kabinetinin “Azərbaycan Respublikası Dövlət Turizm Agentliyinin strukturuna daxil olmayan tabeliyindəki qurumların Siyahısı”nın təsdiq edilməsi haqqında 7 iyun 2018-ci il tarixli  255 nömrəli qərarınının 4.2. bəndinə əsasən “Şahdağ” Qış-Yay Turizm Kompleksinin Müdiriyyəti, 4.3. bəndinə əsasən isə “Şahdağ Turizm Mərkəzi” Qapalı Səhmdar Cəmiyyəti Azərbaycan Respublikası Dövlət Turizm Agentliyinin strukturuna daxil olmayan tabeliyindəki qurumlar siyahısına daxil edilib.

Dövlət Turizm Agentliyinin tabeliyindəki “Şahdağ Turizm Mərkəzi” QSC qış mövsümündə kanat yollarının və xizək yamaclarının, yay mövsümündə isə dağ əyləncələrinin fəaliyyətinin tənzimlənməsi, il boyu balansında olan hotellerin idarə edilməsi fəaliyyəti ilə məşğul olduğundan, eləcə də mərkəzin fəaliyyətinin təsərrüfat hesablı prinsip əsasında həyata keçirilməli olduğu nəzərə alınaraq mərkəzin idarəedilməsi üçün nəzərdə tutulmuş vəsaitin optimallaşdırılması, həmçinin büdcə vəsaitlərinin nəticəliliyinin yüksəldilməsi məqsədilə QSC-nin gəlir əldə edilməsi ilə bağlı fəaliyyətinin gücləndirilməsi, eyni zamanda vəsaitlərin qənəatli və səmərəli istifadəsi istiqamətində müvafiq tədbirlərin həyata keçirilməsi nəzərdə tutulub.

İdarəetmənin sistemliliyinin, mövcud resurslardan səmərəli istifadə olunması, nəticə etibarilə, əsas fəaliyyətdən olan gəlirlərin artırılması və xərclərin azaldılması istiqamətində işlərin görülməsi zərurətindən Azərbaycan Respublikası Dövlət Turizm Agentliyinin tabeliyində olan “Şahdağ” Qış-Yay Turizm Kompleksinin Müdiriyyətinin Azərbaycan Respublikası Dövlət Turizm Agentliyinin tabeliyində olan “Şahdağ” Qış-Yay Turizm Kompleksinin Müdiriyyəti ilə bağlı bəzi məsələlər və “Azərbaycan Respublikası Nazirlər Kabinetinin 2014-cü il 17 iyun tarixli 196 nömrəli qərarı ilə təsdiq edilmiş “Azərbaycan Respublikası Mədəniyyət və Turizm Nazirliyinin strukturuna daxil olmayan tabeliyindəki qurumların Siyahısı”nda dəyişikliklər edilməsi barədə” Azərbaycan Respublikası Nazirlər Kabinetinin 2018-ci il 7 iyun tarixli 254 nömrəli qərarında və Azərbaycan Respublikası Nazirlər Kabinetinin 2018-ci il 7 iyun tarixli 255 nömrəli qərarı ilə təsdiq edilmiş “Azərbaycan Respublikası Dövlət Turizm Agentliyinin strukturuna daxil olmayan tabeliyindəki qurumların Siyahısı”nda dəyişiklik edilməsi barədə 10 sentyabr 2018-ci il tarixli 381 nömrəli qərarına əsasən Azərbaycan Respublikası Mədəniyyət Nazirliyinin tabeliyinə verilməsi qərarlaşdırılıb”.

Agentlik rəsmisi KİV-lərdən bu cür məlumatları yayarkən diqqətli olmalarını və dəqiqləşdirərək işıqlandırmalarını xahiş edib.

***

10:14

Dövlət Turizm Agentliyinin tabeliyində olan “Şahdağ” Qış-Yay Turizm Kompleksinin Müdiriyyəti ilə bağlı bəzi məsələlər və Mədəniyyət və Turizm Nazirliyinin strukturuna daxil olmayan tabeliyindəki qurumların siyahısında dəyişikliklər edilib.

Avropa.info xəbər verir ki, Nazirlər Kabinetinin etdiyi dəyişikliyə əsasən, Dövlət Turizm Agentliyinin tabeliyində olan “Şahdağ” Qış-Yay Turizm Kompleksinin Müdiriyyəti Mədəniyyət Nazirliyinin tabeliyinə verilir.

Mədəniyyət Nazirliyi, Əmlak Məsələləri Dövlət Komitəsi və Dövlət Turizm Agentliyi bu qərardan irəli gələn məsələləri həll etməlidir.

Manşet xəbərləri

Son xəbərlər

Bizim seçim

Videoxəbər

Fotoxəbər