“Gələn ilin büdcəsi sosial yönümlü olacaq” – Prezident (Video)

“Gələn ilin büdcəsi sosial yönümlü olacaq” – Prezident (Video)

“Gələn ilin büdcəsi investisiya və sosial yönümlü olacaq. İqtisadi sahədə, xüsusilə, vergi və gömrük sahəsində islahatlar davam etdiriləcək”. 

Avropa.info AzərTac-a istinadən xəbər verir ki, bu sözləri prezident İlham Əliyev Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclasında deyib.

Dövlət başçısı qeyri-neft sektorunun inkişafı, bu yaxınlarda orbitə buraxılan “Azərspace 2” peykinin imkanlarından səmərəli istifadə olunması, kənd təsərrüfatının inkişafının diqqət mərkəzində saxlanılması, iri fermer təsərrüfatlarının, aqroparkların və sənaye parklarının yaradılması ilə bağlı tapşırıqlarını verib.

Ümumilikdə, 2018-ci ilin 9 ayın yekununun uğurlu olduğunu, ilin əvvəlindən qarşıya qoyulan vəzifələrin icra edildiyini deyən dövlət başçısı bu müddətdə ölkədə dinamik inkişafın təmin olunduğunu vurğulayıb. Bildirib ki, Azərbaycanda sabitlik qorunur, möhkəmlənir və bu sabitliyin təməlində xalq tərəfindən dəstəklənən siyasət dayanır. Bu il ölkəmizin beynəlxalq mövqelərinin daha da möhkəmləndiyini, Azərbaycanın dünyada etibarlı tərəfdaş kimi tanındığını, qonşularla, həmçinin islam ölkələri ilə əlaqələrin daha da möhkəmləndiyini deyən prezident Xəzər dənizinin hüquqi statusuna dair konvensiyanın əhəmiyyətini vurğulayıb.

***

11:59

Oktyabrın 9-da Prezident İlham Əliyevin sədrliyi ilə Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.

Avropa.info xəbər verir ki, dövlət başçısı iclası giriş nitqi ilə açıb.

Sonra vergilər naziri Mikayıl Cabbarov, nəqliyyat, rabitə və yüksək texnologiyalar naziri Ramin Quluzadə və “Azərxalça” Açıq Səhmdar Cəmiyyəti İdarə Heyətinin sədri Vidadi Muradov çıxış ediblər.

Azərbaycan Prezidenti iclasda yekun nitqi söyləyib.




Manşet xəbərləri

Son xəbərlər

Bizim seçim

Videoxəbər

Fotoxəbər