Zamirə Hacıyeva 500 min funt sterlinq ödədi, həbsdən çıxdı – Hakim ağır şərtlər qoydu (Yenilənib)

Zamirə Hacıyeva  500 min funt sterlinq ödədi, həbsdən çıxdı – Hakim ağır şərtlər qoydu (Yenilənib)

Az əvvəl London Yüksək Məhkəməsi Azərbaycan Beynəlxalq Bankının keçmiş rəhbəri Cahangir Hacıyevin arvadı Zamirə Hacıyevanın işinə baxıb.

Virtualaz.org Britaniya KİV-lərinə istinadən xəbər verir ki, məhkəmə onun 500 min funt sterlinq girov ödəyərək həbsdən buraxılmasına razılıq verib. Beləliklə, xanım Hacıyeva Azərbaycana ekstradisiyası barədə gələn ilin iyun ayına təyin edilmiş məhkəmə prosesinə qədər Londondakı malikanəsində ev dustağı kimi qala bilər.

Bununla belə hakim Ceremi Beyker xanım Hacıyevanın girov əvəzində həbsdən buraxılması üçün bir sıra şərtlər qoyub. Bu şərtlərə görə o, 500 min funt sterlinqi dərhal ödəməli, M25 avtomagistralının hüdudlarından xaricə çıxmamalı və hər hansı beynəlxalq turizm mərkəzlərinə baş çəkməməlidir. Habelə Zamirə Hacıyeva elektron qolbaq daşımalı, Londondakı polis məntəqəsinə hər gün məlumat verməli, axşam saat 9-dan səhər saat 6-ya qədər ümumiyyətlə küçəyə çıxmamalı və komendant saatına əməl etməlidir.

***

16:08

Azərbaycan Beynəlxalq Bankının İdarə Heyətinin hazırda həbsdə olan sabiq sədri Cahangir Hacıyevin həyat yoldaşı Zamirə Hacıyeva Londonda məhkəmənin qərarı ilə ev dustaqlığına buraxılıb.

Avropa.info “Report”a istinadən xəbər verir ki, Böyük Britaniyanın Kral Ədalət Məhkəməsinin bu gün keçirilən iclasında qəbul olunan qərarla Zamirə Hacıyeva hər gün 09.00-dan günorta saatlarınadək polis bölməsinə baş çəkməlidir, axşam 21.00-dan səhər 06.00-dək evdən bayıra çıxa bilməz. Bundan başqa, məhkəmə qərarına əsasən Z.Hacıyevanın pasportu polisdə saxlanılacaq.

Qeyd edək ki, Azərbaycan Beynəlxalq Bankının İdarə Heyətinin hazırda həbsdə olan sabiq sədri Cahangir Hacıyevin həyat yoldaşı Zamirə Hacıyeva ötən həftə İngiltərənin paytaxtı Londonda saxlanılıb. 55 yaşlı Z.Hacıyeva Britaniyada ilk dəfə tətbiq edilən “İzahedilməz Sərvət Sərəncamı” (UWO) çərçivəsində həbs olunub. Bu sərəncama əsasən o, var-dövlətini hansı mənbədən əldə etdiyini açıqlamalıdır.

UWO, Britaniyada potensial çirkli pullara sahib olan şübhəli korrupsioner xarici rəsmiləri hədəfləmək üçün yeni qanundur.

Londonun Vestminster rayonunun Magistrat Məhkəməsində məlum olub ki, o, Azərbaycan tərəfinin tələbi əsasında London polisi tərəfindən saxlanılıb. Z.Hacıyevanın həbsi onun Bakıya ekstradisiyası barədə xahiş ilə bağlıdır. Məlumata görə, ona qarşı iki mənimsəmə ittihamı irəli sürülüb.

Zamirə Hacıyeva 10 il ərzində Londonun məşhur dükanı “Harrods”da 16 milyon funt sterlinq (35.85 milyon manat) xərcləyib. Bu, gündə 4000 funtdan çox xərcləmə deməkdir. O, Londonda alış-verişləri üçün ödənişi ərinin bankının 35 ədəd kredit kartı ilə edib.

Yeddi il əvvəl Britaniyanın Virgin Adalarında mənzillənən bir şirkət Londonun qərbində “Harrods” alış-veriş mərkəzinin yaxınlığında bir evə 11.5 milyon funt (15.13 milyon dollar) ödəyib.

2013-cü ildə Zamirə Hacıyevanın nəzarət etdiyi başqa bir şirkət Berkshire qraflığında, Ascot kəndinin yaxınlığında təmtəraqlı qolf kursu və əmlakını – “Mill Ride Golf Club”u almaq üçün 10 milyon funt (13.15 milyon dollar) xərcləyib.

Rəsmi məlumatlar cütlüyün “Harrods”un bahalı avtomobil parkında iki xüsusi yerə sahib olduqlarını və Zamirə Hacıyevanın 42 milyon funta (55.24 milyon dollar) “Gulfstream G550 jet” təyyarəsini aldığını da ortaya çıxarıb.

Ötən həftə onun ailəsinə aid olan 400 min sterlinqdən çox dəyəri olan zinət əşyaları müsadirə edilib və “Christie” auiksionunda satışa çıxarılması nəzərdə tutulub.

Manşet xəbərləri

Son xəbərlər

Bizim seçim

Videoxəbər

Fotoxəbər