Pakistanla sərhəddə girov götürülmüş 11 iranlı sərhədçidən beşi azad edildi

Pakistanla sərhəddə girov götürülmüş 11 iranlı sərhədçidən beşi azad edildi

Sistan-Bəlucistan bölgəsində mühafizə xidmətini yerinə yetirərkən girov götürülərək Pakistan ərazisinə aparılmış 11 sərhədçidən 5-i dünən azad edilərək İrana qaytarılıb.

Bu barədə İran İslam İnqilabı Keşikçləri Korpusunun generalı Əli Cəfəri məlumat verib. Onun sözlərinə görə, girov götürülən sərhədçilərdən 5-i Pakistan tərəfi ilə aparılan danışıqlar və həyata keçirilən əməliyyatlar nəticəsində sərbəst buraxılıb. General qeyd edib ki, girovluqda qalan digər 6 sərhədçinin də azad edilməsi üçün tədbirlər görülür.

Xatırladaq ki, oktyabrın 15-də İranın Pakistan ilə sərhədində yerləşən Sistan-Bəlucistan bölgəsində 11 sərhədçi naməlum silahlılar tərəfindən girov götürülərək Pakistan ərazisinə aparılmışdı. İran mətbuatının yazdığına görə, sərhədçiləri “Ceyşul-Ədl” adlı terror qruplaşması girov götürüb.

Manşet xəbərləri

Son xəbərlər

Bizim seçim

Videoxəbər

Fotoxəbər